Новости

Јавен повик

Општинскиот кризен штаб при општина Босилово ги повикува сите продавници / маркети на територијата на општина Босилово на доброволна основа да се пријават да работат за време на викендот 11 и 12 април од 8 до 19 часот, за време на 24 забрана за движење(полициски час), да вршат директна достава на најнeопходните намирници до граѓаните по претходно примена нарачка по телефон или електронски..

Продавниците / маркетите коишто ќе се пријават од страна на општинскиот кризен штаб ќе добијат дозвола за работа како и дозвола за движење, за време на забраната, за нивен вработен/волонтер кој ќе врши директна достава врз основа на телефонска ии електронска нарачка .

 

Пријавувањето ќе се врши со пополнување на барање за дозвола.

Барањето може да се поднесе лично во општина Босилово или пак електронски.

Рок за поднесување најдоцна до четврток 09.04.2020 до 13.00 ч.

лично во општина Босилово или на е–маил адреса: opstinabosilovo1@gmail.com.

Информации на 034-371-600, 075-665-816, 075-229-173, 078-436-237.


 Општинскиот кризен штаб ќе достави листа на пријавени продавници/маркети и листа на лица кои ќе вршат достава во Секторот за внатрешни работи Струмица, со цел непречено извршување на доставата за време на забраната за движење.

СИТЕ економски оператори ( продавници/маркети) треба да поднесат барање со следните податоци:

– за фирмата– назив, адреса на седиште , даночен број , контакт телефон, име и презиме на управителот, ЕМБГ, адреса , контакт тел.

– за Продавницата / маркетот– назив , адреса , контакт

– за вработениот или волонтерот — име и презиме на за достава, адреса, ЕМБГ, контакт.


Дозволи ке се издаваат најмногу за двајца во еден маркет.

Ве молиме за навремено да поднесете барање, за да се издаде навреме

дозволата.

09.04.2020 г. ОПШТИНА БОСИЛОВО

Босилово Општински кризен штаб

Командант

ЗОРАН ЗИМБАКОВ

април 9, 2020 in Босилово

Волонтери

ПОЧИТУВАНИ ЖИТЕЛИ НА ОПШТИНА БОСИЛОВО.

ВО ВРСКА СО СПРАВУВАЊЕ СО КРИЗАТА ПРЕДИЗВИКАНА ОД КОРОНА ВИРУСОТ (KOVIT19), ОПШТИНА БОСИЛОВО И ОПШТИНСКИОТ КРИЗЕН ШТАБ ОТВАРА ЈАВЕН ПОВИК ЗА ПРИЈАВУВАЊЕ НА ВОЛОНТЕРИ ЗА ДИСТРИБУЦИЈА НА ПОМОШ КОН СОЦИЈАЛНО ЗАГРОЗЕНИТЕ СЕМЕЈСТВА, КАКО И ПОМОШ НА СТАРИ, ИЗНЕМОШТЕНИ ЛИЦА, ЛИЦА СО ПОСЕБНИ ПОТРЕБИ ВО ВРСКА СО НАБАВКА НА

СРЕДСТВА, АРТИКЛИ, ЛЕКОВИ И СЛИЧНО КОИ ИМ СЕ ПОТРЕБНИ, А СО ЦЕЛ ИСТИТЕ ДА НЕ ИЗЛЕГУВААТ ОД ДОМА И ДА СЕ ИЗЛОЖУВААТ НА РИЗИК

ПРИЈАВУВАЊЕТО НА ВОЛОНТЕРИ МОЖЕ ДА СЕ ИЗВРШИ СЕКОЈ РАБОТЕН ДЕН

ОД 9,30-13,30 НА ТЕЛ. БРОЈ 034-371-600 , 078-436-237,075 229 173 и 075 665 816, КАДЕ МОЖАТ ДА ГИ ДОБИЈАТ

И ДРУГИТЕ ИНФОРМАЦИИ ЗА КОИ СЕ ЗАИНТЕРЕСИРАНИ.

април 8, 2020 in Босилово

Донации

ПОЧИТУВАНИ СОПСТВЕНИЦИ НА ПРАВНИ СУБЈЕКТИ, ПОЧИТУВАНИ ЖИТЕЛИ НА ОПШТИНА БОСИЛОВО.

ВО ВРСКА СО СПРАВУВАЊЕ СО КРИЗАТА ПРЕДИЗВИКАНА ОД КОРОНА ВИРУСОТ (KOVIT19), А СО ЦЕЛ ПОМАГАЊЕ НА СОЦИЈАЛНО ЗАГРОЗЕНИ СЕМЕЈСТВА И ЛИЦА ОД ОПШТИНА БОСИЛОВО, КАКО И ЛИЦА СО ПОСЕБНИ ПОТРЕБИ,
ОПШТИНА БОСИЛОВО И ОПШТИНСКИОТ КРИЗЕН ШТАБ ГИ ИЗВЕСТУВА СИТЕ ПРАВНИ И ФИЗИЧКИ ЛИЦА КОИ САКААТ И СЕ СПРЕМНИ ДА ДОНИРААТ ХРАНА, СРЕДСТВА ЗА ХИГИЕНА, ОБЛЕКА, ЗАШТИТНА ОПРЕМА И СЛИЧНО ДЕКА ТОА МОЖАТ ДА ГО СТОРАТ СЕКОЈ РАБОТЕН ДЕН ОД 09,30 -13,30 часот, ВО ПРОСТОРИИТЕ НА ЕДУКАТИВНИОТ ЦЕНТАР ВО БОСИЛОВО СО ПРЕТХОДНА НАЈАВА НА ТЕЛ. 034-371-600, 078-436-237, 075 229 173 и 075 665 816.
ОПШТИНСКИОТ КРИЗЕН ШТАБ ЌЕ ОДРЕДИ КРИТЕРИИУМИ ПО КОЈ КЕ СЕ РАСПРЕДЕЛУВА ПРИСТИГНАТАТА ПОМОШ И ПРЕКУ ВОЛОНТЕРИ ЌЕ ЈА ДИСТРИБУИРА ДО СЕМЕЈСТВАТА НА КОИ ИМ Е НЕОПХОДНА.
ОПШТИНА БОСИЛОВО И ОПШТИНСКИОТ КРИЗЕН УПАТУВА БЛАГОДАРНОСТ
НА СИТЕ СУБЈЕКТИ КОИ ЌЕ ДОНИРААТ, ПОМАГАЈЌИ ДА ЈА ПОМИНЕМЕ ОВАА КРИЗА НА ОПШТИНСКО НИВО, ДАВАЈЌИ ДОПРИНОС ЗА ЗАШТИТА НА НАСЕЛЕНИЕТО.

АКЦИЈАТА ЌЕ СЕ ОДВИВА КОНТИНУИРАНО ДО ЗАВРШУВАЊЕ НА КРИЗАТА.

♯ ДА ПОМОГНЕМЕ НА ОНИЕ ШТО НЕМААТ♯
♯ ХУМАНОСТА НА ДЕЛО♯

—————————————————————————–

април 8, 2020 in Босилово

Важна информација за земјоделците

ВАЖНА   ИНФОРМАЦИЈА   ЗА   ЗЕМЈОДЕЛЦИТЕ !!!

 

Почитувани ,

 

Во врска со забраната за движење ( полицискиот час ),  сите земјоделци (фармери) 

кои имат потреба за извршување на земјоделски работи за време на забраната

 за движење, од понеделник треба да се пријават во подрачната единица на Министерството за земјоделство, шумарство и водостопанство во Струмица за

да им се издаде дозвола за  ограничено движење, за извршување на

земјоделските работи .

За оваа потреба  ќе треба да пополнат БАРАЊЕ со задолжителни податоци, врз основа на кое ќе се издава дозволата.

Барањето се поднесува лично или на е-маил адресата pe.strumica@mzsv.gov.mk   

 

➡️  кратко појаснување :    

 

▪ ● Правила и услови за ослободување од полициски час на граѓани/земјоделци

 на Република Северна Македонија за време на вонредната состојба поврзана со вирусот COVID -19:

 

1.Право на движење има само еден  (1)  член на земјоделско стопанство;

 

2.Доколку во земјоделското стопанство има член помлад од 67 години, не се

 издава согласност за лице постаро од 67 години;

 

3.Барањата се доставуваат лично или на е-маил pe.strumica@mzsv.gov.mk  

во подрачната единица на МЗШВ   -Струмица

(која мора да провери дали барателот е запишан во регистарот на земјоделски стопанства и дали во стопанството има лице помладо од 67 години;

 

4. Согласноста се дава само за движење од адресата на живеење до фармата доколку фармата е надвор од адреса на живеење и до нивата (оранжеријата) доколку е надвор од место на живеење;

 

5. Задолжително се наведува КП на нивата односно фармата;

 

6. Движењето е дозволено само на релација место на живеење фарма (објект, оранжерија, нива);

 

7.Согласноста се издава само во времето кое го има наведено барателот;

 

8.Податоците задолжително се наведуваат во табелата во прилог истата се доставува секој понеделник и важи од за тековната недела;

 

9. Сите дополнувања во текот на неделата се соважност до важењето на периодот (до првиот понеделник пример доколку се поднесе барање во четврток тоа ќе важи за периодот од петок до понеделник);

 

10. Давањето на лажни податоци со кои се загрозува општата здравствена состојба на граѓаните и се прекршува полицискиот час е кривично дел, како за земјоделецот така и за лицето кое ги внесило податоците од ПЕ;

 

11. Во табелата мора да се наведе email адреса од земјоделец (или маил до кој има пристап)  бидејќи системот генерира дозвола за движење и истата ја испраќа до емаилот што го оставил земјоделецот.

 

#ДА СЕ ЗА ШТИТИМЕ !!

#ПОЧИТУВАЈ ГИ ПРАВИЛАТА !!

# ПРОИЗВЕДУВАЈ И ШТИТИ ГО ЗДРАВЈЕТО !

март 27, 2020 in Босилово

Соопштение

Кризниот штаб при општина Босилово на состанокот одржан на 18.03.2020
ја разгледа актуелната состојба со корона вирусот во општината и предложи да се преземат соодветни мерки за справување на ширењето на пандемијата.

1.По единствената точка на дневниот ред градоначалникот на општина Босилово Зоран Зимбаков ги запозна присутните на состанокот со новонастанатата ситуација предизвикана од опасноста од корона вирусот во општината и тој истакна дека има сознанија дека во општината има дојдено граѓани кои се на работа во високоризичните земји пред се од Италија , а се немаат јавено кај надлежните здравствени органи да се проверат дали имаат симптоми на корона вирусот. Се донесе заклучок дека е неопходно да се стапи во контакт со овие лица и да им се укаже дека треба да се јават кај Епидемиолошката служба на Центарот за јавно здравје во Струмица и да ја проверат општата здравствена состојба.
Градоначалникот на општина Босилово Зоран Зимбаков упати апел до сите граѓани и вработените во општина Босилово дека ситуацијата е доста сериозна и дека главна работа на локалната самоуправа е да го едуцира населението за да ги почитува мерките дадени од Министерството за здравство.
Општина Босилово изготви соопштение со кое ги известат граѓаните да неизлегуваат од дома без некои посебни потреби и да не доаѓаат во општината извесно време и доколку забележат нивни сограѓани кој се вратил од високоризичните земји да им се укаже да се јават на телефонските броеви дадени за таа цел:072-235-543.
Денес, постапувајки по донесените одлуки на крозниот штаб беше извршено прскање во општинскиот центар Босилово и во другите населени места, на локации каде има престој и голема фрекфренција на повеќе граѓани.

март 19, 2020 in Босилово

СООПШТЕНИЕ

Поради технички зафат на филтер станицата Иловица *чистење на базените) се известуваат корисниците кои се снабдуваат со вода , дека на ден 13.03.2020 година во периодот од 11.00 до 15.00 часот ќе има преќин на водоснабдувањето.
Ви благодариме за разбирањето.
ЈПКД ,,ОГРАЖДЕН,, Босилово
Директор
Митра Зафирова.

март 13, 2020 in Босилово

СООПШТЕНИЕ

Владата на Република Северна Македонија на денешната 15-та редовна седница ја разгледа информацијата на Управувачкиот комитет за координација и управување во системот за управување со кризи за преземање дополнителни мерки и активности за превенција од ширење на корона вирусот по сугестија на Комисијата за заразни болести на Министерството за здравство, и ги донесе следните заклучоци:
1. Да се заострат мерките и активностите за превенција од ширење на корона вирусот.
2. Да се прекине со воспитно – образовниот процес и наставата во сите детски градинки, основни и средни училишта и високо – образовни установи и во јавните научни институти на територијата на Република Северна Македонија, во наредните 14 дена. Се прекинуваат и сите воншколски или дополнителни програми како што се курсеви за странски јазици и слично.
3. За спроведување на оваа мерка еден од родителите на децата до 10 години, што ќе бидат ослободени од обврската да одат во градинките или да ја следат наставата, ќе бидат ослободени и од обврската да ги извршуваат работните обврски.
4. Да се забранат масовни собири и настани на отворен и затворен простор, како и сите културни настани и манифестации на територијата на Република Северна Македонија, со над 1000 учесници, во наредните 14 дена. Владата препорачува неодржување на јавни настани на кои се очекува присуство до 1000 учесници.
5. Да се забрани присуство на гледачи (публика) на сите спортски настани на територијата на Република Северна Македонија, во наредните 30 дена.
6. Да се воведе задолжителна самоизолација на сите лица кои доаѓаат од високо и средно ризичните држави, во период од 14 дена (согласно листата на Светската здравствена организација).
7. Да се забрани извоз на медицинска опрема и медицински средства и материјали од страна на економските оператори и производители од Република Северна Македонија, освен со посебна дозвола која ја издава Министерство за здравство.
8. Да се препорача на возрасните и високоризичните категории на граѓани со хронични болести да го намалат своето движење и да го избегнуваат јавниот превоз.
9. Да се препорача избегнување на патување во земји кои се од висок и среден ризик, согласно листата од Светската здравствена организација.
10. Државната изборна комисија да ги ослободи од понатамошно учество во изборниот процес вработените од јавните здравствени установи и да бидат заменети со други лица.
11. Физичките и правните лица што не ги почитуваат и кои ги прекршуваа препораките ќе бидат казнети согласно член 205 и 206 од Кривичниот законик.
12. Да се воведе health locator карта за сите летови и сите авиокомпании, односно образец кој ќе го пополнуваат патниците со податоци за полесно контактирање доколку за тоа се укаже потреба.
13. Да се забрани организиран меѓународен автобуски превоз (автобус, комбе, минибус и сл.) кон високо ризичните земји, како и од тие земји кон Република Северна Македонија.
14. Да се зајакне присуството на волонтерите од Црвениот крст на Република Северна Македонија, во соработка со Министерството за здравство, на сите гранични премини.
15. Целосно да се почитуваат мерките за превенција од оваа болест, упатени од Министерството за здравство кои се однесуваат на засилени хигиенски мерки.
16. Да се упати заклучок и препорака од страна на Владата на Република Северна Македонија до сите органи на државната управа и до едниците на локалната самоуправа за времен прекин од работни обврски (не одење на работно место и да останат во своите домови) за бремените жени и хроничните болни лица.
17. Сите јавни претпријатија и приватни компании што вршат јавен превоз на патници да вршат редовна дезинфекција на превозните средства.
18. Владата им препорачува на сите владини и државни институции, како и на јавните претпријатија да ги откажат сите патувања или да ги организираат предвидените состаноци преку интернет комуникацијата.
19. Се задолжуваат сите владини и државни институции, како и јавните претпријатија да воведат мерки за заштита и за дезинфекција во сите државни институции на влезовите во институциите. Оваа мерка Владата им ја препорачува и на компаниите од реалниот сектор.
март 11, 2020 in Босилово

Работилница за едукација на земјоделските производители

Во организација на Министерството за земјоделие, шумарство и водостопанство на РСМ и „3Д Проект Студио“ на 06.03.2020 во општна Босилово со почеток во 15 часот се одржа информативен ден за ИПАРД финансирачките можности, мерка 1.

Сите земјоделци кои сакаат да ги модернизираат фармите се до 14 април 2020 година, ќе може да аплицираат за добивање на финансиска поддршка преку ИПАРД 2 Програмата. Станува збор за мерката „ Инвестиции во материјални средства на земјоделски стопанства“ од ИПАРД 2 Програмата. Вкупната финансиска поддршка во рамките на овој јавен повик изнесува 9.216.693 евра или 568.147.394 денари. Овој повик им овозможува на земјоделските стопанства широк спектар на инвестции во примарното земјоделско и сточарско производство, вклучително и инфраструктурни зафати.

Подобни корисници се:

Земјоделско стопанство:

Физичко лице (носител на семејно земјоделско стопанство);
Индивидуален земјоделец – ИЗ;
Правно лице;
Задруги

2. Приоритетни сектори се:

Растително производство

Житарици, индустриски култури, фуражни култури, градинарство (вклучувајќи и компир), повеќегодишни култури (овоштарници, вклучувајќи и трпезно грозје, маслинки, медоносни дрва за производство на мед), лозја.

Сточарско производство

Говедарство (млечно говедарство, гоење), свињарство (репродукција, гоење), овчарство и козарство (млечно овчарство/козарство, гоење), живинарство ( производство на месо – бројлери, кокошки носилки).

Преработка и директен маркетинг на сопственото земјоделско производство на земјоделско стопанство

Млеко и млечни производи, месо и месни производи, овошје и зеленчук вклучувајќи и компири, печурки и мешункасти култури, жита, мелнички производи и производи од скроб, растителни и животински масла и масти, шира од грозје, сок од грозје, вино и оцет и сточна храна и фуражни култури.

Производство на енергија од обновливи извори за сопствена потрошувачка

Обработка на растителни и животински производи од примарна и секундарна биомаса (освен биомаса од рибни производи) за производство на биогас и/или био горива, користење на сончева енергија, ветерници, геотермална енергија итн.

3. Прифатливи инвестиции

Конструкција/реконструкција на објекти за производство или помошни објекти;
Конструкција/реконструкција на објекти кои се користат за пост-бербени активности и преработка на земјоделски производи;
Набавка на повеќегодишни растенија;
Набавка на нови машини и опрема;
Објекти и опрема за наводнување;
Набавка на специјализирани транспортни приколки;
Инфраструктура на земјоделско стопанство.
4.Висина на финансиската поддршка

Висината на финансиската поддршка изнесува 60% од вкупните прифатливи трошоци на инвестицијата.

Висината на финансиската поддршка ќе се зголеми до:

65% за инвестиции во земјоделски стопанства реализиарани од страна на млади земјоделци;
70% за инвестиции во земјоделски стопанства во планинските области.
Финансиската поддршка ќе се зголеми за 10 % за:

Инвестиции кои се однесуваат на системи складирање и управување со арско ѓубре;
Инвестиции за подобрување на ефикасноста од употребата на азотни ѓубривa и сл;
Инвестиции во објекти/опрема, чија цел е подобрување на енергетската ефикасност;
Инвестиции во објекти/опрема за производство на био-енергија;
Инвестиции во објекти/опрема за производство на енергија од другите обновливи извори за задоволување на сопствените потреби за енергија на земјоделско стопанство;
Инвестиции во објекти/опрема за третман на отпадни води/канализација.
Минимална вредност на вкупните прифатливи трошоци за инвестициски проект – 3.000 €.

Максимална вредност на вкупните прифатливи трошоци по еден корисник изнесува 1.500.000 €

за целиот период на спроведувањето на Програмата.

Идни инвестиции

Барателите може да поднесат повеќе проекти во рамките на оваа мерка во текот на спроведувањето на Програмата, под услов максималните вкупни прифатливи трошоци (до 1.500.000 €) да не бидат надминати и претходните проекти да бидат реализиарни (исплатени на корисникот).

Подетални информации во однос на рокот и начинот на аплицирање, услови и сл. може да се најдат на следниот линк: http://ipard.gov.mk

март 7, 2020 in Босилово