Новости

Изградба на мост на ” Колешински канал”

При крај е со изградбата на мостот на “Колешински ” канал на патот Бориево – општина Босилово и Колешино – општина Ново Село.
Вкупната вредност за изградба на мостот е 12 милиони денари од кои општина Ново Село 8 милиони денари ги обезбеди преку Центарот за развој на Југоисточниот плански регион а преку Министерството за локална самоуправа, 3 милиони денари од Буџетот на општина Ново Село и 1 милион денари од Буџетот на општина Босилово.
Мостот ќе биде со должина од 30 метри и ширина 6 метри.
Со изградбата на овој мост ќе реализираме уште едно барање на граѓаните од нашата општина а со тоа ќе се олесни движењето на населението од двете општини , ќе се обезбеди полесен пристап до земјоделските површини и ќе се зголеми безбедноста на ѓраѓаните.
По изградбата на мостот, општините Босилово и Ново Село ќе барат начин и финансиски средства за изградба и асфалтирање на локалниот пат Бориево-Колешино, за кој имаме изготвено проект а средствата се во висина од 1.4 милиони евра.

мај 5, 2017 in Босилово, Општина, Проекти

Фолклорен фестивал во општина Грмен – Република Бугарија

Членови на КУД „Русалии„  – с. Секирник  и КУД „Кирил и Методија„ – Иловица на ден 21.04.2017 учествуваа на фолклорен фестивал во Република Бугарија.

Седмиот фолклорен фестивал со наслов  „Да пееме, да танцуваме„ го организира општина Грмен и традиционално се одржува секоја година во општина Грмен.
Фестивалот има интернационален карактер со учество на повеќе културно уметнички друштва од земјите на Југоисточна Европа. 
    април 25, 2017 in Култура

    Состанок на Советот за превенција на општина Босилово

    Локалниот  совет за превенција. на општина Босилово денес  со почеток во 11 часот одржи редовен состанок.

    Тема на состанокот беше: „Превенција и заштита од пожари„. На состанокот беа присутни претставници на повеќе државни и локални  институции: 

    – Министерство за внатрешни работи на РМ – Сектор за внатрешни работи Струмица

    – Центар за управување со кризи – Струмица

    – Дирекција за заштита и спасување – Струмица

    – Територијална противпожарна единица – Струмица

    – ЈП Македонски шуми – Шумско стопанство Беласица – Струмица

    – ВП Струмичко Поле – Струмица 

    – Ловно друштво Гоце Делчев – Босилово

    – ООУ Кирил и Методија – Иловица

    – ООУ Борис Трајковски – Моноспитово

    – ООУ Гоце Делчев – Босилово.

    април 25, 2017 in Општина

    Ученици од ООУ,,Св.Кирил и Методиј”-Иловица во посета на општина Босилово

    Денес во посета на општина Босилово беа учениците  од четврто одделение од ООУ „св.Кирил и Методиј“ Иловица.  На оваа посета тие се запознаа со градоначалникот на општина Босилово, г-дин Љупчо Колев, и со дел од општинската администрација. На средбата учениците беа запознаени со начинот на функционирање на општината, со дел од задачите и обврските кои таа ги има како и задачите на градоначалникот. Истите беа запознаени и со работата на Советот на општина Босилово, го разгледаа културно едукативниот центар за млади во Босилово како и сите канцеларии и одделенија во општинската зграда. Дел од учениците имаа и одредени прашања за градоначалникот при што добиа и соодветни одговори.

    април 12, 2017 in Образование, Општина

    Концерт на КУД „Гоце Делчев“- Босилово

    По повод денот на општина Босилово вчера на ден 09.04.2017 (Недела) се одржа целовечерен концерт на Културно уметничкото друштво „Гоце Делчев“- Босилово.

    На манифестација свои настапи и точки имаа и: Ристе Гавровски , група „Пицикато“ и  Јовче Пандев.

    април 10, 2017 in Култура, Општина

    „Секој ден можеби не е добар, но има по нешто добро во секој ден“

    Согласно Годишната програма за работа на ООУ „Св. Кирил и Методиј“ – Иловица и планираните активности во подрачјето Општествено – хуманитарна работа, во Петокот
    , во холот на ООУ Иловица и ПОУ Турново, Клубот на млади при Црвен крст – Струмица, истовремено спроведе хуманитарна акција во двете училишта. Хуманитарната акција се спроведе на начин, така што, беше поставен штанд, на кој беа изложени чоколатца со симболични пораки. Учениците можеа да купат од чоколатцата и на тој начин донираа парични средства според сопствените можности и желба.
    Собраните средства ќе бидат наменети за семејство од социјален карактер на кое му се потребни подобри услови за живот. Активноста се спроведува во соработка со општина Босилово.
    Хуманитарните акции се традиција која долги години се негува во нашето училиште, а нашите ученици, нивните наставници, и вработени, повеќе пати ја покажале својата хуманост на дело, несебично давајќи помош на оние на кои им била потребна. Овие активности во нашето училиште се одвиваат континуирано во текот на целата година. Досега се реализирани повеќе доброволни акции од различен тип.
    април 10, 2017 in Образование

    „Бенли Таш“ – Камен на плодноста 2017

    Река од трактори полни луѓе денеска се движеа меѓу сртот на селата Дрвош и Иловица во општина Босилово. Тешкиот и непрооден пат не ги спречи да стигнат до нивната крајна дестинација Бенли Таш – каменот на плодноста. Четврта година по ред, се возобновени обичаите и верувањата поврзани со ова место со цел популаризација на богатата традиција во погражденскиот регион. Во колективната меморија на жителите Бенли Таш е камен кој дава плодност на оние кои ќе минат низ неговиот отвор во форма на капија. Прославата на Бенли Таш има и културно- уметнички карактер. За промоција на етно кулинарството и на музичкиот фолклор организаторите обезбедуваат посебна трпеза со стари специјалитети, а културно-уметничките друштва го оживеаја мелосот. Качамакот е посебна одлика на нашиот крај.

    март 22, 2017 in Култура, Општина

    Крводарителска акција

    Денес во просториите на Младинскиот едукативен центар во с.Босилово во организација на Црвен Крст – Струмица и Заводот за трансфузиологија се одржа редовна крводарителска акција за граѓаните од општина Босилово. Хуманоста овојпат ја покажаа 36 крводарители. Општина Босилово ќе продолжи со организацијата на вакви хуманитарни акции и во наредниот период.

    март 22, 2017 in Општина

    Одржан училишен натпревар по Англиски јазик во ООУ,,Св.Кирил и Методиј”-Иловица

    На ден 17.03.2017 година, Петок, по втор пат во просториите на ООУ „Св. Кирил и Методиј“ – Иловица, се одржа училишен натпревар по англиски јазик за учениците од V и IX одделение. Натпреварот го организираше и го спроведе Стручниот Актив по англиски јазик, со помош на директорот и стручната служба при училиштето. На натпреварот земаа учество вкупно 24 ученика од кои: 11 ученика од V одделение и 13 ученика од IX одделение. Од V одделение, најуспешни беа следните ученици:

    ученичката Симона Николова од ООУ Иловица освои прво место,

    ученичката Кристина Панова од ПОУ Секирник го освои второто и

    третото место му припадна на ученикот Костадин Зафиров од ООУ Иловица .

    Од IX одделение најуспешни беа:

    ученичката Трајанка Стоева од ООУ Иловица со освоено прво место,

    второ место Милена Ковачева од ПОУ Секирник со освоено второ место и

    третото место го освои Ружица Минова од ООУ Иловица.

    Натпреварот го подржаа: , JumpingClay Македонија, аптека Фармака-Струмица, ЕКТА-Т, Струмица и наставниците од англиски јазик.

    март 20, 2017 in Образование