Заврши изградбата на ограден ѕид во градинката „Малото славејче“ во с.Моноспитово
Заврши изградбата на ограден ѕид во градинката „Малото славејче“ во с.Моноспитово
Здружението на граѓани „Центар за климатски промени“ – Гевгелија започна со спроведување на Проектот „Прекугранично партнерство за заштита на животната средина и подобар квалитет на живот (Waste EDU)“, кој го спроведува заедно со Сојузот на производители на еколошка енергија од Бугарија (СПЕЕ – БГ).
Овој проект е финансиран од Европската унија преку ИПА програмата за прекугранична соработка на Република Македонија и Република Бугарија, Целта на проектот е да се воспостави подобар квалитет на животот во Југоисточниот регион, преку интензивирање и унапредување на прекуграничната соработка помеѓу граѓаните и институциите за заедничко решавање на еколошките проблеми поврзани со управување и спречување на загадувањето со отпад. Проектот ќе се спроведува во повеќе од 20 основни училишта кои се лоцирани во општините од Југоисточниот регион на Р. Македонија. Во рамки на проектот ООУ „Св. Кирил и Методиј“ – Иловица е избрано да учествува во спроведување во проектните активности. Претставници од училиштето, Софија Митрова, наставник по англиски јазик и Македонка Алачова, психолог, учествуваа на дводневен форум на тема „Управување со отпад во прекуграничниот регион – недостатоци во образованието кај младите генерации“, кој се одржи на ден 12 и 13 мај 2017 год. во хотел Есперанто, Струмица. На форумот земаа учество над 50 учесници од прекуграничниот регион во Македонија и Бугарија, здруженија на граѓани и претставници од локалната самоуправа. Главната цел беше, претставниците од двата погранични региони да имаат можност да поразговараат за моменталната сосотојба на образовниот систем во делот со управување со отпад, предизвиците, потешкотиите, како и предностите на општетсвото од создавање на правилни навики кај популацијата за управувањесо отпад од најрана возраст. Со проектните активности ќе се продожи во блиската иднина.
Граѓаните на село Бориево веќе може да го користат новото повеќенаменско спортско игралиште изградено во дворот на ПУ„Борис Трајковски” во Бориево.
Средствата за реализација на овој проект се обезбедени од Буџетот на општина Босилово.
Во селото Иловица,на падините на планината Огражден се одржа тринаесетиот по ред меморијален турнир во стрелање глинени мети ,,Тони Танчев,,.Турнирот го отвори градоначалникот на општина Босилово, г-дин Љупчо Колев. На турнирот учествуваа повеке натпреварувачи од неколку ловечки друштва од регионот ,а се натпреваруваа во дисциплината трап.
Турнирот традиционално секоја година се одржува на 15 мај по повод верскиот празник Св.Атанасиј Велики кој воедно претставува и селска слава на селото Иловица.
Турнирот го организираше подружницата на ловното друштво ,,Гоце Делчев,,Иловица во соработка со семејството на покојниот Тони Танчев и општина Босилово.
Градоначалникот на општина Босилово г-дин Љупчо Колев имаше работен состанок со дел од менаџерскиот тим на фирмата Адиент Аутомотиве Струмица поранешен Џонсон Контролс.На состанокот се разговараше за можност за вработување на граѓани од општина Босилово во оваа реномирана странска компанија.
Општина Босилово започна со реализација на Програмата за изградба, реконструкција, одржување и заштита на локалните улици и патишта за 2017 година.
При крај е со изградбата на мостот на “Колешински ” канал на патот Бориево – општина Босилово и Колешино – општина Ново Село.
Вкупната вредност за изградба на мостот е 12 милиони денари од кои општина Ново Село 8 милиони денари ги обезбеди преку Центарот за развој на Југоисточниот плански регион а преку Министерството за локална самоуправа, 3 милиони денари од Буџетот на општина Ново Село и 1 милион денари од Буџетот на општина Босилово.
Мостот ќе биде со должина од 30 метри и ширина 6 метри.
Со изградбата на овој мост ќе реализираме уште едно барање на граѓаните од нашата општина а со тоа ќе се олесни движењето на населението од двете општини , ќе се обезбеди полесен пристап до земјоделските површини и ќе се зголеми безбедноста на ѓраѓаните.
По изградбата на мостот, општините Босилово и Ново Село ќе барат начин и финансиски средства за изградба и асфалтирање на локалниот пат Бориево-Колешино, за кој имаме изготвено проект а средствата се во висина од 1.4 милиони евра.
Членови на КУД „Русалии„ – с. Секирник и КУД „Кирил и Методија„ – Иловица на ден 21.04.2017 учествуваа на фолклорен фестивал во Република Бугарија.
Локалниот совет за превенција. на општина Босилово денес со почеток во 11 часот одржи редовен состанок.
Тема на состанокот беше: „Превенција и заштита од пожари„. На состанокот беа присутни претставници на повеќе државни и локални институции:
– Министерство за внатрешни работи на РМ – Сектор за внатрешни работи Струмица
– Центар за управување со кризи – Струмица
– Дирекција за заштита и спасување – Струмица
– Територијална противпожарна единица – Струмица
– ЈП Македонски шуми – Шумско стопанство Беласица – Струмица
– ВП Струмичко Поле – Струмица
– Ловно друштво Гоце Делчев – Босилово
– ООУ Кирил и Методија – Иловица
– ООУ Борис Трајковски – Моноспитово
– ООУ Гоце Делчев – Босилово.
