Градоначалникот на о.Босилово Г-дин Љупчо Колев денес потпиша договор за реконструкција, доградба и адаптација на Домот на културата во населено место Секирник.
Како изведувач се јавува фирмата ДГТУП Џови Компани ДООЕЛ.
Овој проект е кофинансиран од Европската унија преку interreg-IPA програмата за прекугранична соработка Македонија-Бугарија и ќе се спроведува во општина Босилово и општина Грмен.
Вкупниот буџет на двете општини е 412.111 евра од кои 229,676 евра се за општина Босилово.
Проектот , Развој на туризмот во прекуграничниот регион Босилово – Грмен преку зачувување на локалните културни традиции,, е петти заеднички проект што го реализираат двете општини.
Во тек е парково и партерно уредување на дворот во Центарот за алтернативен туризам и креативен развој во с.Моноспитово кој воедно ќе се користи и како мал плоштад.
