О Г Л А С за учество на обука и распределба на грантови за воведување на агроеколошки мерки во сливот на река Струмица – Трет циклус

Проектот за управување со сливот на река Струмица го спроведува Програмата за развој на Обединетите нации (УНДП) во партнерство со Центарот за развој на Југоисточнио плански регион, општините од сливот и други релевантни институции.

Во насока на остварување на главната цел на проектот за подобрување на еколошкиот статус на басенот на реката Струмица и подобрување на условите за живот на населението, Проектот спроведува активности за зголемување на конкурентноста на земјоделското производство во регионот и намалување на неговото влијание врз животната средина, преку воведувањето на современи, агроеколошки мерки.

За таа цел во рамките на проектот објавен е повик за избор на земјоделски производители кои би се вклучиле во специјализирани обуки за агроеколошкo производство. Можност да се јават на повикот имаат производителите на овошни култури (сливи, јаболка и круши) и градинарски култури (пиперки и домати) од општините Радовиш, Конче, Струмица, Василево, Босилово и Ново Село.

За учество на обуките планирано е да се изберат 40 производители на сливи, јаболка или круши (за обуките во Радовиш) и 60 производители на пиперки и домати (на отворено и затворено) (за обуките во Струмица). Изборот на кандидатите ќе се изврши според претходно дефинирани критериуми.

Понатаму преку тест за проверка на знаењето стекнато во рамките на програмата за обука ќе се одберат 50 грантисти, 20 земјоделски производители на овошни култури (од сите 6 општини) и 30 производители на градинарски култури (од сите 6 општини).

Вредноста на секој грант ќе биде до 300.000 денари, средства наменети за набавки на опрема и материјали потребни за примена на предвидените агроеколошки мерки.

Обуките ќе се организираат во периодот мај/јуни  2019 – октомври/ноември 2019 година, додека тестирањето ќе биде организирано во текот на месец декември 2019 година или јануари 2020 година. Материјалите потребни за подготовка за тестирањето ќе им бидат достапни на сите учесници на обуката.

Крајниот рок за пријавување е 30 април 2019 година.

Prijava MK_Strumica

Oglas_grantovi za zemjodelci_tret ciklus_finalno pdf

Проект: Унапредување на условите за развој на алтернативниот туризам на локалитетот Моноспитовско Блато.

ПУЖС – Албански јазик ПУЖС – Англиски јазик ПУЖС – Македонски јазик Формулар за доставување на коментари – Aлбански јазик Формулар за доставување на коментари – Македонски јазик Формулар за доставување на коментари -Англиски јазик

Проект – Намалување на емисиите на СО2 во ООУ Гоце Делчев с.Босилово со користење на биомаса

На ден 25.12.2017 година во просториите на ООУ Гоце Делчев с.Босилово  се одржа  завршен настан-промоција на проектни активности во рамките на проектот Намалување на емисиите на СО2 во ООУ Гоце Делчев с.Босилово со користење на биомаса.

Проектот се реализираше во периодот од месец јануари до  месец декември 2017 година и истиот беше финансиран од Глобален еколошки фонд (ГЕФ) Програма за мали грантови во Македонија, општина Босилово а реализиран од Здружение Центар за едукација и одржлива развој с.Иловица.

Преку проектот  во училиштето инсталирани се два котли на пелети  и од оваа грејна сезона   наместо нафта како енергенс за загревање се користат пелети.

Пред присутните на настанот (наставници, ученици и др.) беа презентирани и дигитална сликовница и студија на случај.Дигиталната сликовница беше изработена од текстови и цртежи на ученици од I до V одделение на тема енергетска ефикасност.

На присутните на настанот, како и на останатите ученици и наставници им беше поделен и  промотивен материјал со подетални податоци за проектот.

ЈАВЕН ОГЛАС за доделување на компостери

Центарот за равој на Југоисточен плански регион, во рамките на проектот “Размислуваме за компостирање – посветени на одржување на органскиот синџир” бр. на проектот CB006.1.11.013 кој се имплементира во соработка со Асоцијацијата на Југозападни Општини Р. Бугарија, објавува јавен оглас за доделување на 400 компостери во Југоисточниот регион каде припаѓаат општините: Богданци,Босилово, Валандово, Василево, Гевгелија, Дојран, Конче, Ново Село, Радовиш и Струмица.

Право на учество имаат сите граѓани кои ги исполнуваат следните услови:

  • Кандидатот да биде жител на општина Босилово;

Потребни документи за пријавување се:

1. Пријавен лист кој може да го превземат на следниот линк: http://www.rdc.mk/southeastregion или во просториите на Центарот за развој на ЈИПР на ул. Боро Џони Бр.10, Струмица како и во просториите на општина Босилово.

  1. Копија од лична карта/пасош;

Пополнетите пријави и дополнителните документи може да се испратат електронски на maja.doncheva@rdc.mk  или истите да ги достават во просториите на Центарот за развој на Југоисточен плански регион со адреса: ул. Боро Џони Бр.10, Струмица како и во просториите на oпштина Босилово најдоцна до 20.08.2017 година.

Изборот на кандидати кои ќе добијат компостер ќе биде по принципот прв пријавен – прв услужен, односно по редослед на пријавување.

За дополнителни информации контактирајте го следното лице:

Милчев Стојан – Општина Босилово

Тел: 071-998-253

Е-мејл: s.milcev@hotmail.com

 

Поставена ограда на повеќенаменското игралиште во н.м Еднокуќево

Проектот за изградба на повеќенаменско игралиште во населено место Еднокуќево се реализира по предвидената динамика.

Реализирана е фазата изработка и монтажа на метална ограда околу теренот.

Следуваат другите фази од проектот и се очекува да заврши во предвидениот рок.

Мониторинг и еваулација на имплементацијата на проектот “Изградба на мост на река Tурија и дел од локален патен правец Босилово-Радово”

Во врска со проектот “Изградба на мост на река Tурија и дел од локален патен правец Босилово-Радово” , финансиран од Грант средства обезбедени од Европската унија преку ИПА предпристапните фондови, администрирани според правилата на Светска Банка,во просторијата на општина Босилово се одржа состанок на кој присуствуваа Mark Barett-тим лидер на проектот и Nedzat Bajrami-експерт инженер ,претставници на компанијата изведувач,компанијата надзор и Градоначалникот на општина Босилово Љупчо Колев со неговите соработници.

Целта на состанокот беше евалуација и мониторинг на имплементацијата на проектот.

Градоначалникот Љупчо Колев оствари средба со сопственикот и претставници на менаџерскиот тим на компанијата Проанализ

Градоначалникот на о.Босилово Љупчо Колев  имаше средба со сопственикот и претставници на менаџерскиот тим на компанијата Проанализ ,господинот Ulas Goktas и Ziya Saidov зад која стои турски капитал и која во нашиот регион планира изградба на акредитирана лабораторија која за основна цел ќе има соработка со компаниите и индивидуалните земјоделски производители со цел осовременување на земјоделското производство.

Претставниците на компанијата ги изложија своите планови а од страна на Градоначалникот добија ветување дека општина Босилово ќе им обезбеди целосна логистичка подршка во нивните активности.

Средба на проектните тимови од општина Босилово и општина Грмен

Градоначалникот на општина Босилово г-дин Ључо Колев вчера оствари средба со проектните тимови од општина Босилово и општина Грмен задолжени за инплементација на проектот „Развој на туризмот во прекуграничниот регион Босилово-Грмен преку зачувување на локалните културни традиции“

На средбата се разговараше за реализираните и претстојните проектни активности.

Претставниците од двата тима исто така беа во посета на културниот дом во Секирник каде градежните активности за реконструкција на овој објект се веке во тек.